Xaricdə təhsil almasa belə, amma müəyyən müddət xaricdə yaşamaq, ordakı təhsil mühiti ilə tanış olmaq bir çox gəncin arzusudur. Bəs bunu necə reallaşdırmaq olar? Təhsil sahəsində gənclərin dostu olan GLC bu dəfə sizlər üçün, tələbə mübadilə proqramları olan - Erasmusdan bəhs edəcək. Erasmus nədir? Erasmusa necə müraciət etmək olar? Erasmusun üstünlükləri nədir? Bu mövzuda hazıladığımızı blogu sizlərə təqdim edirik.
Erasmus, Avropa İttifaqının (Aİ) tələbələrə xaricdə təhsil almaq və təcrübə keçmək imkanı verən məşhur təhsil proqramıdır. Erasmus 1987-ci ildə yaradılmışdır. Bu proqram tələbələrə, müəllimlərə və universitet işçilərinə fərqli ölkələrdə təhsil və təcrübə imkanları təqdim edir, onların akademik və peşəkar inkişafını dəstəkləyir.
Akademik inkişaf: Tələbələrin yeni təhsil mühitlərində bilik və bacarıqlarını artırması.
Mədəni mübadilə: Müxtəlif mədəniyyətlər arasında anlaşmanın və əməkdaşlığın artırılması.
Peşəkar təcrübə: Tələbələrin xarici ölkələrdə iş təcrübəsi qazanması.
Dil bacarıqlarının artırılması: Tələbələrin xarici dillərdə ünsiyyət bacarıqlarını təkmilləşdirməsi.
Beynəlxalq təhsil təcrübəsi: Tələbələr fərqli ölkələrin ali təhsil müəssisələrində oxumaq və yerli mədəniyyəti tanımaq imkanı əldə edirlər.
Şəxsi inkişaf: Xaricdə təhsil almaq tələbələrin özünəinamını artırır və müstəqil düşünmə bacarıqlarını inkişaf etdirir.
Karyera imkanları: Beynəlxalq təcrübə, məzunların əmək bazarında rəqabət qabiliyyətini artırır.
Maliyyə dəstəyi: Erasmus proqramı çərçivəsində tələbələrə təqaüd və digər maliyyə yardımları təqdim edilir.
Azərbaycan Dillər Universiteti
Azərbaycan Memarlıq və İnşaat Universiteti
Bakı Mühəndislik Universiteti
Azərbaycan Diplomatik Akademiyası
Bakı Dövlət Universiteti
Naxçıvan Dövlət Universiteti
Xəzər Universiteti
Azərbaycan Dövlət Aqrar Universiteti
Mingəçevir Politexnik İnstitutu
Bakı Slavyan Universiteti
Lənkəran Dövlət Universiteti
Azərbaycan Texniki Universiteti
Azərbaycan Müəllimlər İnstitutu
Bakı Bisnes Universiteti
Qərb Universiteti
Azərbaycan Dövlət İqtisad Universiteti
Azərbaycan Neft və Sənaye Universiteti
Yuxarıda qeyd edilmiş universitetlərin tələbəsisinizsə beynəlxalq əlaqələr departamentinə yaxınlaşaraq etməli olduqlarınız barədə daha detallı məlumat ala bilərsiniz. Bu proqrama qoşulmaq üçün tələblər isə əksər universitetlərdə aşağıdakı kimidir:
1. Müraciət forması: Bu forma, adətən, universitetin beynəlxalq əlaqələr ofisi və ya Erasmus ofisi tərəfindən təqdim edilir.
2. Şəxsiyyət vəsiqəsi və pasport
3 Dil biliyiniz: Əgər təhsilininiz İngiliscə deyilsə, bu zaman dil bacarığını təsdiq edən sənədlər lazımdır TOEFL, IELTS və ya digər tanınmış dil imtahanları nəticələri.
4. Motivasiya məktubu: Erasmus proqramında iştirak etmək istədiyinizi və məqsədlərinizi izah edən məktub. Bu məktubda, niyə məhz həmin universiteti və proqramı seçdiyinizi, Erasmus təcrübəsinin sizin üçün hansı faydaları olacağını açıqlamalısınız.
5. Tövsiyə məktubları: Müəllimləriniz və ya akademik rəhbərləriniz tərəfindən yazılmış tövsiyə məktubları. Tövsiyə məktubları sizin akademik və şəxsi keyfiyyətlərinizi təsdiq etməlidir.
