Kanada, dünyanın ən yaxşı təhsil sistemlərindən birinə sahibdir və bu ölkədə təhsil almaq üçün çox sayda beynəlxalq tələbə müraciət edir. Yüksək keyfiyyətli təhsil, müxtəliflik və təhlükəsizlik kimi amillər Kanadada təhsil almağı cazibədar edir. GLC Xaricdə Təhsil Şirkəti olaraq bu bloqda, Kanadada təhsil almaq istəyən azərbaycanlı tələbələr üçün ətraflı məlumat və məsləhətlər verəcəyik.
Kanada universitetləri və kollecləri dünya miqyasında tanınır. Universitetlərdə tədris olunan proqramlar müasir və iş bazarına uyğun olaraq hazırlanır.
Kanada çoxmillətli və çoxmədəniyyətli bir ölkədir. Bu, tələbələrə müxtəlif mədəniyyətlər və insanlar ilə qarşılıqlı əlaqə qurmaq imkanı yaradır.
Kanada, dünyanın ən təhlükəsiz və yüksək yaşayış keyfiyyətinə malik ölkələrindən biridir. Tələbələr burada rahat və təhlükəsiz yaşayış şəraitindən faydalana bilərlər.
Kanada tələbələrə təhsil müddətində və təhsil sonrası iş imkanları təklif edir. Bu, tələbələrə həm təcrübə qazanmaq, həm də gələcəkdə iş tapmaq üçün böyük üstünlükdür.
Dünyada tanınan təxminən 100 universitetin olduğu Kanada da, bir çox ölkələrdə olduğu kimi bakalavr təhsil müddəti 4 il davam edir. Kanadadakı universitetlər əcnəbi tələbələrdən məzun olduqları məktəbin diplomlarını və transkript sənədlərini və TOEFL və İELTS kimi beynəlxalq statusa malik ingilis dil biliklərini təsdiqləyən sertifikatlar tələb etməkdədir. Bəzi universitetlərin isə özlərinin təşkil etdiyi “Proficiency” test vasitəsi ilə tələbələrin ingilis dil səviyyələrini qiymətləndirə bilirlər.
Həmçinin, Kanada universitetlərində tələbələrin fransız dilini öyrənmək imkanlarıda vardır. Fransız dilində də təhsil almaq istəyən tələbələrin universitetlər tərəfindən tələb olunan fransız dil biliklərinə aid sertifikatlara sahib olması lazımdır.
Ali təhsil müəssisələrində təhsil sentyabr ayında başlayıb, iyun ayında bitir. Bəzi universitetlər yalnız tədris ilinin əvvəlində tələbə qəbulu edərkən, bəzi universitetlər isə semestrlər arasıda tələbə qəbulunuda həyata keçirə bilir.
Bu gün Kanada magistr təhsili almaq istəyənlər üçün yüksək keyfiyyətli təhsil sistemi ilə seçilir. Dünyanın ikinci ən böyük ölkəsi olan, lakin əhalisi Amerikanın Kaliforniya ştatı qədər böyük olan Kanada neft mühəndisliyi, kompüter elmləri, tibb. əczaçılıq və biznes idarəçiliyi kimi sahələrdə iş imkanları ilə doludur.
Kanadada bakalavr təhsilini başa vuran və elmi tədqiqatlar, magistratura və doktorantura proqramları üçün qalmağı planlaşdıran tələbələr üçün akademik karyera qura biləcəkləri yüksək keyfiyyətli təhsil müəssisələri sizi gözləyəcək.
Əgər Amerika və İngiltərədən daha sərfəli qiymətlərlə zəngin proqramlarla Kanadada prestijli təhsil və magistr dərəcəsi almaq istəyirsinizsə, təhsil müddətinin 1-2 il arasında dəyişdiyini qeyd etmək yerinə düşər.
Ölkənin əksər təhsil müəssisələri çox vaxt dövlətin nəzarətində olsa da, magistraturadan sonra bütün dünyada beynəlxalq şirkətlərdə iş tapa bilərsiniz. Ölkədə rəsmi dillərin həm ingilis, həm də fransız olması sizi təhsil müddətində ikinci dil öyrənmək imkanı verir və siz məzun olduqdan sonra immiqrasiya və vətəndaşlıq üçün müraciət edə bilərsiniz.
Kanadada təhsil xərcləri universitetə və proqramın növünə görə dəyişir. Orta hesabla, illik təhsil haqqı 15,000 - 30,000 Kanada dolları arasında dəyişir. Yaşayış xərcləri isə 10,000 - 15,000 Kanada dolları arasında dəyişir. Təqaüdlər və maliyyə dəstəkləri üçün universitetlərin rəsmi saytlarını araşdırmaq faydalıdır.
Akademik Transkriptlər
Orta Məktəb və ya Universitet Diplomu
Dil Bilikləri Sertifikatları TOEFL, IELTS. Fransız Dilində Təhsil Alanlar üçün DELF və ya DALF
Tövsiyə Məktubları
Qəbul Forması
Tələbə Vizası
Qəbul Məktubu: Seçilmiş universitetdən aldığınız qəbul məktubu.
Maliyyə Vəziyyətinizi Təsdiqləyən Sənədlər: Təhsil və yaşayış xərclərini qarşılaya biləcəyinizi sübut edən bank hesabatları və ya sponsor məktubları.
Pasport: Ən azı təhsil müddətinizin sonuna qədər etibarlı olan pasport.
Biometrik Məlumatlar: Kanada vizası üçün müraciət etdiyiniz zaman biometrik məlumatlarınız tələb oluna bilər.
Sığorta: Səyahət və sağlamlıq sığortası (bəzi universitetlər tələb edir).
Digər Sənədlər
CV və ya Tərcümeyi-hal: Əsasən magistratura və doktorantura proqramlarına müraciət edərkən tələb olunur.
Araşdırma Planı: Əgər tədqiqat əsaslı bir proqramda təhsil almağı planlaşdırırsınızsa, tədqiqat planı təqdim etməyiniz tələb oluna bilər.
Portfel: İncəsənət və ya dizayn kimi sahələrdə təhsil almaq istəyirsinizsə, portfel təqdim etməyiniz tələb oluna bilər.
