İngilis Dili Müəllimləri üçün Təlim Proqramı 12–19 iyul 2026-cı il tarixlərində Böyük Britaniyanın Winchester şəhərində təşkil olunacaq beynəlxalq peşəkar inkişaf proqramıdır. Bu proqram İngilis dili müəllimlərinin müasir tədris metodları sahəsində bilik və bacarıqlarını artırmaq, onları beynəlxalq təhsil mühiti ilə tanış etmək və sinif daxilində daha effektiv yanaşmalar tətbiq etmələrinə dəstək olmaq məqsədi daşıyır. Təlim proqramı iştirakçılara həm nəzəri biliklər, həm də praktik fəaliyyətlər vasitəsilə yeni tədris strategiyalarını öyrənmək imkanı təqdim edir.

Proqram çərçivəsində müəllimlər ümumilikdə 15 saatlıq beynəlxalq standartlara uyğun müəllim hazırlığı kursunda iştirak edəcəklər. Təlim zamanı tələbəyönümlü tədris metodları, tələbələrin motivasiya olunması yolları, dərs prosesində müəllim rolunun optimallaşdırılması, tələffüz bacarıqlarının inkişaf etdirilməsi, oxu və dinləmə bacarıqlarının təkmilləşdirilməsi, danışıq bacarıqlarının inkişafı üçün drama və rol oyunlarının tətbiqi, həmçinin şagird səhvlərinin düzgün şəkildə müəyyən edilməsi və korreksiyası kimi vacib mövzular müzakirə olunacaq. Proqram iştirakçıların dərslərində daha interaktiv və effektiv üsullardan istifadə etməsinə imkan yaradacaq.

Təlimlər səhər saatlarında keçiriləcək, günün ikinci yarısında isə iştirakçılar üçün asudə vaxt və mədəni fəaliyyətlər nəzərdə tutulmuşdur. Proqram çərçivəsində iştirakçılar London şəhərinə tam günlük ekskursiyada iştirak edəcəklər və bu səfər zamanı River Thames çayı üzərində kruiz də təşkil olunacaq. Bundan əlavə, Southampton şəhərinə yarım günlük səfər proqrama daxildir. Bu ekskursiyalar iştirakçılara Böyük Britaniyanın tarixi və mədəniyyəti ilə yaxından tanış olmaq imkanı verəcək.

İştirakçılar proqram müddətində Winchester şəhərində yerləşən komfortlu single ensuite residence tipli yaşayış yerlərində qalacaqlar. Paketə yaşayış, bütün tədris materialları, pulsuz Wi-Fi, gediş-dönüş aviabiletləri və viza dəstəyi daxildir. Qeyd edilməlidir ki, viza üçün konsulluq rüsumu proqram qiymətinə daxil deyil.

Bu proqram xüsusilə məktəblərdə, kurslarda və digər təhsil müəssisələrində fəaliyyət göstərən İngilis dili müəllimləri üçün ideal seçimdir. Beynəlxalq sertifikat xarakterli bu proqram müəllimlərə həm peşəkar inkişaf, həm yeni beynəlxalq əlaqələr qurmaq, həm də United Kingdom-da fərqli təhsil təcrübəsi qazanmaq imkanı təqdim edir. Minimum iştirak tələbi olaraq namizədlərin ən azı B1 (Intermediate) səviyyəsində İngilis dili biliyinə malik olması tövsiyə olunur.