Global Learning Center (GLC) Xaricdə Təhsil Şirkətinin təşkilatçılığı ilə 7 aprel 2024-cü il tarixində Bakıda Beynəlxalq Təhsil Sərgisi təşkil olunacaqdır. GLC ölkə xaricindəki universitetlərlə 12 illik əməkdaşlıq çərçivəsində tələbə qəbulları həyata keçirməkdə, əməkdaş universitetlərin tanıtım seminar və konfransları təşkil etməkdədir. Genişlənən bu əməkdaşlıqlar və bu illərin təcrübəsi sayəsində 2024-cü ildən etibarən GLC, univeristetləri birbaşa tələbə və valideyinlərlə görüşdürmək istəyindədir. Xarici universitetlərin əməkdaş və nümayəndələri ilə görüşəcək tələbə və valideyinlər onları maraqlandıran sualları bibaşa ilk mənbədən əldə edə biləcəklər. Heç şübhəsiz ki, sərgi zamanı baş tutacaq bu görüşlər univeristet və ölkə haqqında dolğun və doğru məlumat əldə edilməsini təmin edəcəkdir. Siz, sərgidə Türkiyə, Amerika və Avropanın müxtəlif universitetlərinin nümayəndələri ilə görüşmək və suallarınıza ətraflı cavablar almaq fürsətini əldə edəcəksiniz. Beynəlxalq Təhsil Sərgisində iştirak edəcək universitetlər haqqında da səhifələrimizdə məlumatlar paylaşılacaqdır. Səhifəmizi izləməyə davam edərək bu məlumatları əldə edə bilərsiniz. Beynəlxalq Təhsil Sərgisində iştirak ödənişsizdir. Qeydiyyatdan keçmək mütləqdir. Qeydiyyatdan keçmək üçün qeydiyyat linkinə daxil ola bilərsiniz.
